أسطورة الـ Content Creation ضد الـ Copywriting
في البداية حابب أصحح معلومة بسيطة، مفيش تخصص ضد تخصص لأن كل التخصصات بتكمل بعض، فخلينا نقول إن ده خطأ كتابي شائع حبيت أصححه عشان محدش فيما بعد يفتكره قاعدة.
بالنسبة للـ Content Creation والـ Copywriting فهما تخصصين متكاملين تحت مظلة الـ Content Marketing وبينهم شوية فروق هنتكلم عن بعضها في الـ Post ده..
🔴-خلينا نبدأ بالـ Content Creation لأنه أشمل، والغرض منه هو بشكل أساسي التفاعل مع الناس، سواء بقى لنشر الوعي بالعلامة التجارية، أو لبناء الثقة مع العملاء، أو أياً كان الهدف.. وهو شخص بيعمل محتوى بكل الأشكال والأنواع لكل القنوات (ده مش معناه إنه مش متخصص، بس هو بيقدر يعمل أكتر من حاجة) وعادة المحتوى بتاعه بيكون تعليمي أو ترفيهي.
ومن مهارات الـ Content Creator إنه يقدر ينظم المحتوى بتاعه بحيث تكون قراءته سهلة، يقدر يستخدم البحث بشكل كويس عشان يدعم المحتوى بتاعه بمصادر تدعم مصداقيته، عنده القابلية يكتب لأكتر من صناعة واحدة، يقدر يطلع أفكار جديدة و Creative للمحتوى بشكل مستمر.. وده على سبيل المثال لا الحصر.
👈🏽 مثال بسيط، لو عندك محل بتبيع فيه فواكه وخضار، وعايز تعرَّف عملاءك عن أد إيه فاكهة جوز الهند مفيدة، وإن حبه جوز الهند على بعضها أفضل من جوز الهند الجاهز المبشور، أو تديهم طرق عمل وصفات معينة بيستخدم فيها جوز الهند.. هنا الـ Content Creator هيقدر يساعدك تدي المعلومات دي وأكتر عن جوز الهند للعملاء بتوعك.
🔴-نيجي بقى للـ Copywriting واللي الغرض منه هو حث الناس على عمل فعل معين، سواء شراء منتج أو خدمة أو تنزيل كتاب أو غيره، إذاً الـ Copywriter ببساطة شديدة تخلو من المصطلحات المُنمَّقة دوره يكتب محتوى بيعي، يبيع بقى منتج، فكرة مش هتفرق.
ومن المهارات اللي مفروض تكون عند الـ Copywriter إنه يكون بيعرف يكتب Titles تشد، يقدر يستخدم الـ Brand Voice عشان يتواصل مع الجمهور المستهدف، يكون فاهم احتياجات الجمهور، يقدر يكتب محتوى قصير وفي نفس الوقت يكون واضح ومقنع.. وده على سبيل المثال لا الحصر برضو.
👈🏽 ونرجع لنفس مثال جوز الهند، لو عندك مشكلة في بيع جوز الهند فالـ Copywriter يقدر يكتب Copy تزود مبيعات جوز الهند، عن طريق ابتكار عرض أو خصم يحفز العملاء إنهم ياخدوا خطوة الشراء.
وكده يكون انتهينا من السؤال الاسطورى بتاع إيه الفرق بين الـ Content Creation والـ Copywriting.
طبعاً في Titles تانية زي الـ Content Writer وده الشخص اللي بيكون مختص في نوع واحد من المحتوى وهو المكتوب فقط، والـ Script Writer وهو الشخص اللي بيكتب محتوى مرئي عشان يتعرض في Videos أو مسموع ويتعرض Audio Podcasts.
تعليقات
إرسال تعليق